响hk返来都已经3日啦@！时间过得真系快啊！听日又话去澳门了~~~o(∩_∩)o...


专登拣佐个唔系周末的日子出发，o(∩_∩)o...哈哈
果然无估错！过关唔系好多人！话甘快就过完关啦！
一路落来最长的苦闷时间可算系搭车的时间啦！！！
不过好彩，我有psp……

打完一轮三国，已经来到尖东啦！
经过一段漫长的地下回廊……
终于出到地面啦！可爱的太阳伯伯，我又见到你啦！哇咔咔~~~

皆因来之前应承几个f帮区地买野，所以就先去加连威老道的龙城睇睇执唔执得齐区的要的野先……（ps：顺便买D平靓正护肤品 ）
响龙城大肆搜购一番，出来已经系下午点几啦！
沿住条路一直行，打算去天文台道的artistic睇睇有咩新货，
点知行到去，个店主竟然行开佐…………

甘唯有周围逛下先啦！
行过天文台道同snoopy主题餐厅之间果条路的时候，见到有间叫“正寿司”的店店，
呵呵~~~反正未吃野，就试下依间野啦@！

吃日本野点可能唔吃我最爱的希鲮鱼啊！呵呵~~~叫佐个刺身！不过4片就要38啊！贵~~~
唔知系咪因为早上无吃早餐的原因，一口气点佐好多野~~~
o(∩_∩)o...哈哈
隔离台的人一度以为我系傻的~~~~
点佐一个六合刺身拼盘、两款蟹寿司、甘虾寿司……多到我都唔记得啦！（ps：自己去相册数啦！哈哈）
最后埋单一个系360大元港币！（ps：从未试过一个人吃成3百几的寿司！咔咔~~不过好满足啊！）

D出品总体来讲都算新鲜的，但个长脚蟹寿司就有D货不对版啦！俾张图呃佐啊！而且讲真，唔系太新鲜~~~
D三文鱼、希鲮鱼、带子、吞拿鱼刺身都可以的，但D甘虾刺身就好麻麻啦！完全无口感的，林到唔知咬紧乜甘啊！
啊！仲有个芥末八爪鱼就真系……不敢恭维啦！一D都唔好吃，无鲜味、无口感……一句讲晒，唔知吃出乜啊！
就系依个甘的芥末八爪鱼啦~~~~


好啦！吃完一餐甘满足的，当然就梗系周围行下消化下啦@！！！
过隔离睇睇间店店开佐未先……
竟然仲系未开啊~~~~~
唉！唯有继续响附近行下先啦！

兜佐成条街，都仲系饱饱的~~~~
经过snoopy餐厅，谂住坐下饮杯野都好啊！

点知上到去，发现原来依度有好多好靓的Cake啊~~~~
正啊！我至爱啊！点可能唔试下呢！！！
拣佐好耐，决定试下区的蓝莓Cheese Cake（ps：上边有好大粒草莓啊！） 
跟住要佐杯意大利鲜奶咖啡~~~
个Cake真系好好味啊！好正啊！！！Cheese够晒浓郁，但又唔会抢晒蓝莓的味道，两个好夹啊！上边旧大大Strawberry仲好甜添啊~~~   


好啦好啦！响我吃到甘饱的同时都系时候去消化下的啦！！！
间店店终于都开佐啦~~~
哈哈~~~~（ps：5点半前都埋首搜购ing~~~~）

啊！！！约佐大佬个家姐6点响时代广场等的~~~
我竟然……
好彩，mimi姐打电话过我话会迟少少……
但最后，我都系迟佐15分钟~~~~ 

见面之后，响我的忏悔中……我地上佐时代广场7楼的丰泽同百老汇睇相机同手机


本来以为百老汇会平过丰泽的啦！
点知原来，都唔系平好多
而且丰泽送的野比百老汇多好多啊！
计落，丰泽的仲抵啊！

我地两个经过一番商议之后，都系决定去返丰泽买~~呵呵
mimi姐买w380，我除佐部g9之外……
拣佐好耐终于决定买部w580（ps：返来先知原来就系大佬果部啊！区之前仲一直叫我买依部的）
不过我都好中意部机啊！浅粉红色，好好睇啊！

部g9就要第日先有货拿~~~~估唔到g9全hk都缺货啊！真系买区都艰难过人啊！

甘我地买甘多野，有咩可能唔叫个Sales送多D或者打折头过我地啊！！！（ps：话晒都系精明消费者来的嘛！！！呵呵）
不过个靓仔Sales都算系甘啦！打佐个折之后送佐好多野过我地~~~（ps：个靓仔Sales叫zen啊！同我个f一样名的，o(∩_∩)o...哈哈！份人都几搞野的）
果堆都系送的，仲有个大脚架唔记得佐摆埋落去影~~~~

买完o野都成9点几啦！我地系甘意逛佐一阵就搭铁返mimi姐屋企啦！！！
顺便响区屋企附近吃饭（ps：mimi姐住半山的~~~都未试过响hk半山过夜添~~~）


mimi姐带我去一间埃及餐厅吃饭！（ps：餐厅就响soho区的一个小斜坡上）
听闻个老细系mimi姐之前的客来的！
个老细好热情的，仲好中意讲笑啊！吃吃下饭忽然问我有无bf啊~~~~真系笑s我啦！！！
一个好好玩的外国人（ps：可能系埃及人挂~~~~）

因为我地两个都唔系好饿（ps：最大原因系减肥啊！哇哈哈~~~）
所以我地点佐个烧鸡三文治(唔知系米甘叫)、一个沙拉、一个毛茄

个烧鸡好有风味，有一股浓浓的炭烧香味。广州的埃及餐厅真系吃唔到~~~
如果烧鸡沾果D特有的酱汁吃又系另一番感觉，
个酱汁有DD微粒响里边，但就真系吃唔出系咩来的~~~~
个味道有D似千岛沙律酱，但又多佐D咸咸的味道，好特别！
不过加埋D有浓浓炭烧香味的鸡肉真系好正~~~（不过唔系人人都中意依只酱汁的味道，mimi姐就唔中意啦！o(∩_∩)o...哈哈）

个沙拉虽然我唔知叫咩，感觉同凯撒沙拉差唔多
有青瓜、洋葱、生菜（应该唔系我地本地的生菜），基本就系依d野啦！
都系用橄榄油同醋来捞的。。。。
味道几好~~~唔会好酸、好油，刚刚好！
不过，如果可以加多D红腰豆、橄榄甘就仲正~~哈哈

最好要到个毛茄啦！
依个系mimi姐一直推介的！
外皮有dd毛毛的粗糙的感觉……
感觉个毛茄有D似外表生毛的缩小版莲藕~~~~~
不过都整得几好吃，好特别！
咸咸地，入口林林地得来又有D爽口~~~~
如果大家去hk的话，可以试下！广州真系吃唔到~~~
（ps：埋单刚好100大元。店内的装饰都好有特色的，可以去我相册度睇）

————————
————————
————————

吃完饭都成11点几啦！！！
同mimi姐搭手扶电梯上位于半山西摩道的mimi姐屋企，
一路上来都见到好多好有特色的店店~~~~

翻到去，mimi姐的屋企人都训晒觉啦！（ps：真系唔好意思啊！甘打搅人家啊！）
可能因为由细到大都训唔惯生宝床的关系啦！其实成晚落来我都无咩点训过觉啊！！！

第日一早7点几起身……
刷牙洗脸之后……
响中环、上环兜佐一阵之后就过返铜锣湾逛啦~~~
边个叫我要等拿相机咩！！！

本来打算买个蓝宝吊坠俾阿妈的，点知行佐几间金铺都睇唔岩……
最后都系决定去时代广场拿相机的时候再睇睇算啦！

不知不觉间，原来已经系下午2点几的啦~~
我都未吃饭添！
其实都唔知吃咩好，谂住求其去意粉屋吃D野算啦！
上到去个翡翠明珠广场上边点知又见到间叫“咖喱物语”的餐厅，
睇睇个餐牌又好似几正甘啵！
反正未试过……呵呵

环境同意粉屋的差唔多，服务态度ok甘啦！
因为唔系中午吃饭时间，所以无咩人
讲真，D野吃就一般啦！
个薯角就炸得稍微过火佐少少，但味道都仲系可以的
个芝士焗咖喱鸡饭味道一般般啦~~~D咖喱唔系话甘惹味，应该系落的咖喱唔够多
不过分量就真系好大~~~我吃晒D鸡同芝士就算啦！
仲叫佐杯蓝莓优乳同个野梅优格，
杯优乳同我响广州饮的好唔同，感觉有D似思乐冰~~~
蓝莓粒同味都好重，但优乳就好淡甘咯！不过总体都可以的
至于个优格就真系好麻麻啦~~~
D野梅好酸啊！其实野梅就系桑果（仲要系冰镇过的果只），中间系鲜奶雪糕~~~
个人完全唔觉得好吃~~~简直有D俾区稳笨的感觉添~~~

就甘，又搞掂一餐啦！

继续我的hk之旅的最后几个钟~~~~

响我想行返去时代广场的时候，我竟然发现我荡失路啊！！！！
天啊~~~我竟然都荡失路！

不过，我甘聪明可爱
唔使10分钟就稳返个方向，哈哈~~~原来转错弯

上去7楼拿返部相机终于拿到手啦~~~G9！yeah~~~！


拿完相机跟住落负一层间pinkbox买寻日睇岩佐的果只钻戒
想买好耐的啦~~~今次终于如愿以偿啦！


因为稳唔到岩的蓝宝吊坠买俾阿妈，
最后我决定佐买个珍珠吊坠过阿妈~~~~
(*^__^*) 嘻嘻……
都几靓架~~~~

蓝宝等我储多D钱先买俾妈妈啦！！！

——————————
——————————
——————————
——————————
——————————

好啦~~~基本都七七八八啦！！！
不过好似仲未稳到yy要的洗脸奶啊！！！
唉~~~~区支洗脸奶都算难稳咯！竟然行晒甘多见卓悦、sasa都唔见啊~~~~
好彩，最后都俾我响铜锣湾的一间卓悦稳到唯一的一支！

——————————
——————————
——————————
——————————
——————————

依个时候已经系晚上7点几啦~~~
当我去到罗湖的时候，已经系8点几啦~~~~
谂住拿拿林买张返广州的车票啦~~~~
点知，好衰唔衰，就我果班车有问题Delayed啊！
为佐有位坐……
好，我等你！！！
可怜的我等佐两班车都未见我果班车开出啊~~~~
无奈之下，唯有搭即将开出的果班车啦！

就系甘，企佐成个钟返到来广州……
返到屋屋都已经系11点几啦！
散佐啦！~~~~都未试过甘惨的
………………
………………
就甘，结束佐我08年一个疯狂的hk之旅啦！！！



ps：原来铜锣湾时代广场3楼有个储物柜室的，大家如果以后去hk买野买得多又唔想拿住周围走的，可以去果度放住先的~~~完全免费架！o(∩_∩)o...哈哈
 


soho的餐厅




soho的餐厅